المجمعة المصرية للتأمين تعاقدت مع كل السفارات العاملة في السوق المصري وأصبح وثيقة امان اللي بتلصق ع كل الباسبورات الجديدة معتمدة من كل السفارات دون استثناء .... طيب نعملها ازى؟ المجمعة موفرة موقع تقدر تدخل عليه وتملى بيانات الباسبور ورقم الوثيقة اللى موجود في ستكير التامين في اخر صفحة في الباسبور وتحصل على الوثيقة اللى تقدر تقدمها لاى سفارة في مصر , هتلاقى الموقع دة في ال BIO

اه ينفع عادى جدا , لكن في مواصفات معينة في خطاب العمل لازم تكون متوفرة فيه , زى انه يكون على head letter الشركة وعليه اللوجو والعنوان وارقام الاتصال والايميلات ويكون موضح فيه تاريخ الالتحاق بالعمل والمهنة والدخل الشهرى والموافقة ع الاجازة في تاريخ السفر 

قرار التاشيرة بيتاخد من خلال نظام عدادى , يعنى نقاط , كل عامل من عوامل ارتباطك ببلدك او قدرتك المادية او ثبات المهنة اللى انت فيها او روابط اجتماعية (زوجة و أولاد و مدارس) و روابط اقتصادية (عقود أملاك و رخصة عربية و مصدر دخل اضافى) بالإضافة الى تاريخ السفر , لكن تاريخ السفر لاخر 5 سنوات بس ... علشان كدة كل عامل من دول بيعطى مثلا 5 او 10 نقاط و قبول التاشيرة مثلا من 70 نقطة ... اللى بياخد القرار بيجمع كل النقاط دى و لو وصل ل 70 هتاخد التاشيرة , اقل من كدة هتاخد رفض ... لازم البروفيل كله يبقى مطمءن لصاحب القرار علشان يعطيك التاشيرة  

تعرف تقدم عادى لكن لازم في خطاب التعريف الشخصي تذكر أسباب عدم سفرك وارفاق ما يثبت هذه الأسباب وهتاخد التاشيرة عادى 

مش هينفع حضرتك علشان اى دولة في الاتحاد الاوربى بتطلب ترنزيت فيزا للمرور من خلالها لاى دولة تانية , الكلام دة مش مع كل الجنسيات , لكن مع المصريين.. وكلنا عارفين ليه!

حضرتك الأوراق دى علشان تبين القدرة المالية للصرف على السفر والسياحة والتأكد من غرض السفر , هو فعلا سجل تجارى وكل حاجة لكنه معمول من شهر وراس ماله 15 ألف جنيه!!!! وحساب البنك صحيح فيه مبلغ كبير لكن مش عليه حركات سحب وإيداع والمبلغ الكبير اتحط قبل اصدار الكشف ب 5 أيام , وطبعا معروف ليه! علشان كدة اخدت رفض

حضرتك وانت بتقدم الابلكيشن والارواق في مكتب التقديم أي كان بتمضى على إقرار أنك موافق للسفارة انها تسئل وتتطلع على المعلومات من الجهات الحكومية المختلفة ... دة مش معناه , ان السفارة بتتطلع على كل بيانات كل الناس اللى بتقدم , هي بتطلع بمراسلات او اتصالات رسمية بموجب اقرارك دة ... من خلال البنك او مكان العمل ... لكن تأكيد الاوتيل والطيران دة نادر جدا وغير مطلوب حجز مأكد أساسا

البيانات دى موجودة في الباسبور كاسماء وممكن يكون في اتنين بنفس الاسم عادى , لكن في قسيمة الزواج وشهادة الميلاد بيذكر علاقة النسب ودة مستند مهم جدا في قرار قبول التاشيرة 

حضرتك لك اكونت على موقع السفارة و اللى من خلاله تقدر تدخل و تعرف مراحل تتطور طلبك و هتلاقى كمان مذكور كل تفاصيل الطلب بالتواريخ و هم حاليا في انهى مرحلة و بيذكروا انهم مازالوا بيدرسوا الطلب و في حالة اى تغير يبلغوك من خلال الايميل.. ومافيش اى حد يقدر يستعجل او يسرع الإجراءات دى ... والاخبار السعيدة , انه مافيش رفض حتى الان

بسم الله الرحمن الرحيم , الإجابة .... ممكن عنوان او تليفون ابن خالت ام حضرتك, علشان انا عاوز اروح اكمل نص دينى فى بلد الفرنجة 😀😀😀 , طبعا مافيش الكلام دة ..... على حد علمى مافيش اى دولة بتعمل كدة 

لا يوجد دولة سهلة ودولة أخري صعبة ولكن قوة الملف المقدم هي من تزيد من نسبة الحصول علي التأشيرة وبخاصة الأوراق التي تدل علي الروابط العائلية والقدرة المالية والاستقرار الوظيفي